مسجون في الغربة
ليه الواحد بيسيب بلدو ويطلع برة ؟!
ليه الواحد يسيب اهلو ويطلع برة ؟!
ليه الواحد يسيب اصله ويمشي ؟!
عشان لقمة العيش، عشان يعرف يعيش .. الواحد لو كان لقى لقمة العيش في بلدوا كان فضل، كان حبها كان بقى انتمائه ليها، بس لما الواحد بيتهان جوا بلدو ومبيعرفش يعيش بيضطر غصب من عنو انوا يهج ويسيب بلدوا ..
بســــــــــــــ
العيشة برة مهما كانت مبتبقاش زي بلدك ..
مستحيل، لو اترعضت لإهانة برة بلدك بتحس بكل مشاعر العبودية والذل والقسوى بس لو اتعرضت لنفس الإهانة داخل بلدك بتحس ان عادي يعني ماحصلش حاجة .. هديك مثل لو مثلن انتا سقط في مادة و جه ابوك رنك علقة بتخاد الموضوع عادي .. بس لو الاستاذ او المدرس الي بتاخد عندو ضربك و خصوصاً قدام زمايلك بتحس بالإهانة والذل .. ليه طيب ؟!
مش عشان ده ابوك عشان ده منك وانتا حاسس انو بتاعك انما الاستاذ مش بتاعك !!
هحكيلك موقف حصل معايا .. كنت رايح ازور خالتي في الهرم وانا ساكن في مصر الجديدة .. ركبت ميكروباص من الاوتوستراد لأول عباس وبعدين مكروباص من اول عباس للسيدة عائشة وبعدين من السيدة للمريوطية ومن المريوطية للهرم .. ركبت تقريباً كل الموصلات الي في البلد كان ناقص بس اركب الاوتوبيس النهري .. المهم وصلت وكنت سعيد ونسيت كل التعب والزحمة والتلزيق ورجعت نفس المشوار ده .. بس لو بلد غير مصر وركبت باص واحد ولقيت الزحمة هيا هيا بتقرف و تشمئز ويومك بيتقفل .. ليه ؟!
الباص برة مصر بيكون من مختلف الجنسيات وكله هنود وباكستانيين و جنسيات عجيبة .. انما الباص في مصر بيكون كله مصريين ..
اه هوا ده السبب بجد انتا ممكن تستحمل ١٠ مصريين عرقانين ولا انك تستحمل واحد باكيستاني بيعرق ..
تاني واهم حاجة الاستقرار .. يعني ايه استقرار ؟!
يعني تبقى مثلن شاري بيت تمليك في مصر وعارف ان ده بيتك وعمر ما حد هيطلعك منه عكس مثلن انك تبقى مأجر بيت في دولة خارج مصر، بتحس ان البيت مش بتاعك ومهما جبت حجات ديكور تزوق بيها البيت بتشيلها وتقول خليها للبيت الي في مصر احسن ..
الاستقرار في الشغل !!
لو الواحد شغال برة مصر بيبقى شغله على كف عفريت وبيبقى عبد للمدير ولو خالف المدير مع السلامة .. ضاعت الشغلانة وبيبقى حساسية بين العاملين وكتير جداً بتتعرض للعنصرية والتحرش السياسي .. كل ده ليه .. عشان انتا سبت بلدك !!
انا هقولكو على حقيقة بتحصل لأي حد خارج مصر وخصوصاً في دول الخليج .. انتا ممكن يهينوك ويقوللك يا مصري او يتريقوا على بلدك او على ثقافتك او على ديانتك حتى .. انما انتا لو عايش في مصر عمر ما حد هيشتم بلدك او دينك عشان انتو الاتنين واحد ..
في النهاية بعد تولي محمد مرسي الرئاسة انا شايف اني كشاب مصري افضل العيش والدراسة والعمل داخل مصر على اني اخرج برة مصر .. دي وجهة نظري قد تحتمل الخطأ والصواب :))
:)
ردحذفالمقال جميل لكن فيه نوع من المبالغة..
مثلا:
برة مصر محدش بيسب ديانتك وخصوصا لو انت فدول الخليج عشان كل دول الخليج مسلمة,
وعرق المصري وعرق الباكستاني هم الإتنين مقرفين ,
ولما تتهان في بلدك بتحس بالإهانة بردو بس بيكون احساسك مختلف شويه عن لو إنك مُغترِب..
أنا مش قلت كده إلا لأني متأكدة إنك هتقبل نقدي بأريحية ومش هتزعل .
دُمت سالماً..وأنتظر جديدك :)
كلامك سليم جداً لأ وانا اتشرف بتعليقك وانتقادك ليا ..
ردحذفشكراً للإهتمامك البالغ يا ندى وربنا يكرمك :))