يارب الموت راحة ..

صغيرة هي الحياة، صغيرة جداً وحقيرة ، تسلبك أعز ما تملك في وقت أنت تحتاج فيه لأي شيء، لا أحد يقف بجانبك، الكل يحاول أن يحطمك ..

لا أدري ماذا أكتب فأنا محطم حالياً، طيب هوا الواحد يعمل ايه يعني ؟ يعمل ايه ؟ ينتحر ؟ يفقد الامل ؟ ولا يقول لأ أنا قوي وعدي كل حاجة ! لأ أنا مش قوي .. أنا إتكسرت ومش مرة ولا مرتين لأ إتكسرت كتير ..

نفسي فيها، نفسي كل حاجة تمشي زي مانا عايز ، طيب ليه الواحد مش عارف يوصل للي هوا عايزه ؟ دا في لحظة الواحد بيروح ؟ ليه دايماً بيلاقي مشاكل ؟ ليه ؟ 

انا محتاج إجابات كتير .. محتاج حد يتكلم معايا .. محتاج حد يفهمني ، عشان اللي بيفهمني اخدوا مني ، طيب ليه تاخدواه مني ؟ عملت فيكم ايه ؟ غلط في ايه انا ؟ ملعون ابو دي حياة تخلي الواحد يتعمل في كدة ..

كلام الناس كلام الناس ياخي كسم كلام الناس ، مبقتي عايز حاجة، مبقاش بيفرق حاجة معايا حاجة، نفسي في حاجتين .. التاريخ يرجع سنة ورا قدام ، ولاول مرة في حياتي نفسي الحصل ميكونش ..

ازاي يا عبد الرحمن ؟ انتا عمرك ما ندمت على حاجة !! بس انا عمري ما تكسرت كدة !! طيب مش يمكن دا مش خير ليك ؟ برضو مش عايز انا عايزها ! طيب متهدى شوية يمكن ازمة وهتعدي وكل حاجة هترجع زي الاول ! مش عارف نفسي في كدة بس مش قادر اتفائل مش قادر اكون قوي .. طيب ما تصبر يمكن ربنا شايلك حاجة احسن :) مش عايز اعترض عليك وعلى ربنا بس انا نفسي في حاجة اوي ، دعيت ربنا كتيير نفسي فيها يارب ، يارب انا بحبها، عارف يارب انا لو مش بحبها والله ما هتفرق معايا !! طيب ليه يحصل فيها وفيا كدة ؟ طيب والله يارب انا شايفها كل حاجة ، هو الحب حرام ؟ طيب هو الحب لما انا اكون عايز الحاجة بالحلال والكل يقف قصادي لو خدتها بالحرام يبقى حرام ؟

طيب انا نفسي افهم ليه حصل كدة ؟ اللهم لا اعتراض ..

يارب انا .. انا .. انا عايزك يارب .. مينفعش اجيلك ؟ او بمعنى اصح تاخدني ليك ؟ مبقتش عايز حاجة خلاص ، انا حاسس اني حققت كل اللي نفسي فيه وجربت كل اللي نفسي فيه، انا كان نفسي اعمل اكتر طبعاً لكن لأ واضح اني كل ما بعيش اكتر بتكسر اكتر ، طيب 

انا على فكرة مش بكتب مقال ولا حاجة بس انا عايز اطلع كلام جوياي فلو ميخصكش يعني اتفضل ..

المهم ، اخدها واهرب ؟ لأ طيب اروح اتقدم ؟ برضو مش هينفع ! طيب هوا انا اوفر ؟ يمكن طيب اعمل ايه ؟ مش عارف ..

مش عارف ، انا عندي امتحان وقصص ورويات ومش عارف اعمل ايه ..

انا كل ما بعيش اكتر بغلط اكتر وباخد سيئات اكتر وبتجرح اكتر وبتعلق اكتر وبتكسر اكتر ، انا مش هقول حاجة يارب ، بس هقول كلمة واحدة وهسكت "الموت راحة" 

يارب ..